Мақаланың негізгі мақсаты - қазіргі қазақ жастарының өз ана тілі – қазақ тілін тұрмыстық және кәсіби деңгейде қаншалықты жұмсайтынын, коммуникация, білім алу үшін қалай қолданатынын, шаршытоп алдында сөйлеу сапасы қандай екенін анықтау мақсатында ұйымдастырылған сауалнама нәтижелерін талдау арқылы қазақ жастарының ауызша шаршысөзге деген көзқарастарын анықтау, ой түйіндеу. Ол үшін 18 бен 22 жас аралығындағы Назарбаев университеті мен Сулейман Демирель атындағы университетте оқитын қазақ жастарынан қазақ, орыс, ағылшын тілдерін қандай мақсатта, қандай деңгейде қолданатыны, қазақ тілінде жоғары деңгейде сөйлейтін қоғамдық тұлғалардың шаршысөздеріне көзқарастары қандай екенін және өз тілдерінің сапасын көтеруге деген ынта-ниеттерін анықтайтын сауалнама ұйымдастырылып, сауалнама нәтижесіне сандық және сапалық талдау жүргізілді. Мақалада осы сауалнама барысы мен нәтижесіне сипаттама беріліп, зерттеу қорытындысы түйінделеді.

Әйел тағдыры, әйел құқығы қай заманда да өзекті болған мәселе. Мақалада автор адамзат тарихындағы гендерлік мәселелерге шолу жасай отырып, ХХ ғасыр басындағы қазақ қоғамында көтерілген әйел мәселесі, оны шешу жолындағы қазақ зиялыларының жасаған еңбектері сол кезеңде жазылған әдеби шығармалар мен публицистикалық мақалалар негізінде әдеби теориялық және тарихи аспектіде талдау жасайды.